Letter to Shiv Ji (Part 2) : Tumhare bas ki kuchh nahi !!

This post is a sequel to "Letter to ShivJi: Ladki Dilao" which I wrote about an year back. Those you haven't read that one, click here.

To: shiv.golibaaz@dassliya.com

Cc: krishna@BackInTheGame.com ; vishnu@identityfu**ingcrisis.com ; brahma@pervertpops.com; naarad@haraamkhori.com

Bcc : dhritrashtra@buddha-hoga-tera-baap.com; karan@trust-issues.com; shakunimama@dkbose.com; 

Subject: Tumhare bas ki kuchh nahi hai (Ref: Ladki Dilao) !!

Yaar bhagwan, tum sunte to ho nahi 

Kitne mail likhu, reply karte to ho nahi 

Khud dhoondh lunga ab aur hota nahi wait

Tumhare chakkar me waise hi bahut ho gaya late

Ab tumse thodi si madat ki umeed karta hu 

Goli na dena is baar bas yahi fariyaad karta hu 

Thoda bahut samaan chahiye wo jaldi bhej do mujhe ab 

Merc ya Audi chalegi, scooter nahi chala sakta main ab 

Waise ek pasand aayi hai office me saath kaam karti hai 

Date pe chalne ke liye puchho to haye tauba raam karti hai 

Yaar suno aisi ladkiyo ko ab to thodi akal de daalo 

Main tab tak lukkho ki tarah ghoomu kuchh to karo saalo (sorry bhagwan kuchh aur fit nahi hua)

@Krishna 

Dekho bhai, tumhara bataya koi funda kaam nahi aaya hai 

Jisko ghumane le gaya tha, kamini ne bech ke khaaya hai 

Jeb me phooti kodi nahi aur bank account hai khaali

Laxmi ji se setting hai to bhejo gaddi hazaar waali

Achha ek aur baat karni thi mujhe tumse kaam ki 

Mail aayi thi "Testimonial likho" karke mujhe Raam ki

Ab mumma maanti hai unhe to ye likhna to padega 

Tum naraaz na hona warna mera BP aur badhega 

Krishna Ji Replied :- 

Teri setting ke chakkar me baalak 1-2 mujhe pasand aayi hai 

Barso se mere soone mann pe raunak phir chhayi hai 

Tu apni setting ki tension khud le ab, main to chala 

Abhi to meri bhi ho sakti hai, phir teri kyu sochu bhala 

Jaane se pehle ek raaz bata ke jaata hu 

Jitna tujhe bata raha hu, itna kisi ko nahi batata hu 

Zindagi me asli mohabbat kismat waalo ko bat-ti hai 

Ladki paisa gaadi se nahi, jigar waalo se pat-ti hai 

Funda bahut simple hai dost, ladki ko khush karne ka hai 

Phool le ke seedha paas jaane ka, aur nahi darne ka hai 

Thodi tareeef ke saath baat batane ka dil ki bindaas

Nahi maani to palat raasta pahuch jaa doosri ke paas

--------------------------------------------------------------------------

Naarad forwarded the mail to ram@diwaliwala.com !! (f**k you naarad)

--------------------------------------------------------------------------------------

Ram Ji Replied:

Yaar ye to badi hi galat baat hai tumhari 

Maana Sita ko nahi lagta par kuchh izzat hai hamari

Testimonial tumne nahi likhna to na likho yaar

Aise shikayat na lagao Krishna se hamari baar baar   (and now I feel bad too)

Aaj bhi Hanuman tumhare hi kaam pe gaya hai 

Main tab bhi kaha tha ki wo thoda naya hai....... time lagega

Achha suno, I don't think it's working out with Sita 

What do you suggest, bhool jaau kya purana har pal beeta ?

Dhamkiya deti hai jab bhi main Open Marriage ki baat karta hu

Raavan phir se utha ke le jaaye ab bas yahi dua karta hu (#RaavanCustomerCare)

Aur wo Testimonial isliye maanga tha, kyuki mujhe Brahma ki job ke liye apply karna hai (Brahma ji resign kar rahe hai).

Vishnu Ji Replied :-

WTF dude, didn't I mention in the last mail that I am on bench these days ? Kindly don't Cc me in any such mail again. Waise bhi kuchh kaam nahi hai, upar se mujhe ye personal issues me ghusa ghusa ke pareshaan kar daala hai.

Click here to read the next post "Reply from Shiv Ji: Ho Na Paayega!!"