Reply from Shiv Ji: Ho Na Paayega!!

Please read Letter to Shiv Ji: Ladki Dilao and Letter to Shiv Ji: Tumhare bas ki kuchh nahi before this one. 

From: Shiv.sarvshaktimaan@bhagwan.com

To: Bechara Bandhu 

Cc: krishna@ladkibaazi.com; ram.diwaliwaala@ihateraavan.com; vishnu@identitycrisis.com; brahma@pervertpops.com; hanuman@puchhwaala.com

Subject: Ho Na Paayega!! 

Beta ab to tera kuchh nahi ho paayega

Akela aaya tha duniya me akela hi jaayega

Ladki ke saamne aate hi teri seeti gul ho jati hai

Wo kitne signal deti hai par tere samajh ek nahi aati hai

Commitment ke naam se hi tujhe paseena aane lagta hai

Wo  paas aati rehti hai aur tu door jaane lagta hai

Kisi ki naak tedi hai, koi roti to koi hasti zyada hai

Ulte seedhe bahane deta hai jaise tu bada shehzaada hai

Ab ladkiya nahi banti humse low treble (trouble) aur high bass waali

Jo hai jaisi hai kaam chala, nahi hobby dhoondh le koi time pass waali

Ab aur mail na likhna mujhe main waise hi bada pareshaan hu maan lo

Parvati ne vish pi liya tha 2 din pehle, kehti “Girls are best jaan lo baat ye maan lo” #FML

Krishna Ji ka Reply:-

Oye, bahut maal hai duniya me tu ghabra mat dude

Ye Shiv pagla gaya hai, faltu me ho raha hai rude

Aankhen kamzor ho gayi thi, idhar udhar takrata girta hai

Teesri aankh gayi tel lene, filhaal to chashma laga ke phirta hai.

Tu tension na le mere padhaye paath hamesha yaad rakhna

Zindagi jeene ke liye bani hai, kar jo karna hai koi gam na rakhna

Mujhe resource management se hata diya hai aaj kal

Isliye kuchh kar nahi paaya

Nahi to tu mera favorite bhakt hai aur

Line me hoti tere liye  Shikha, Shweta aur Maaya!

2012 apocalypse prediction ki wajah se yaha mahual tense hai 

Vishnu ki fati padi hai aur Ram kehta hai ki sab non-sense hai 

Aaj kal time nahi hai kisi ke paas tumhari fariyaad sunne ka !!

Agar bach gaye to 2013 me yeh mission phir se shuru karenge! chillax ok.

Ram ji ka reply (To Shiv Ji and me) :-

Shiv, ye kya bachpana  va behudgi hai yaar

Is ladke ke letter me recommendation thi chaar

Kya main puchh sakta hu isko ab tak ladki kyu nahi di

Why this kolaveri Shiv, Why this kolaveri, di?

@Bechara Bandhu:

Jaise tumne dekha hoga ki mujhme bahut change aaya hai 

Baat karne ka dhang changed hai aur thoda fun paaya hai

Waisa hi fun main teri life me kar dunga

Shiv ne agar kuchh nahi kiya, to ann shann kar dunga!

Vishnu Ji ka reply :-

Baalak jaise ki tum jaante ho ki mere paas kuchh kaam nahi hai. Aur logo me mere baare me jaan-ne ka bhi interest ab naa ke barabar hai. Agar TV/media industry kisi ko jaante ho to Vishnu based serial ka idea pitch karo yaar please :) Thanks in advance :D